كله علي همه سري وانا علي همي سريت

كل على همه سرى وانا على همي سريت
في عالم عياء لايفهمني وعيت افهمه

قامت تقاذفني الدروب المظلمه خذني وجيت
مرات يعزمني الحزن ومرات انا اللي اعزمه

وكانك تفسر غيرتي تعقيد فاااشهد مادريت
ان اهتمامي ابعدك ممشى الدروب المظلمه

يمكن عتابي كان قاسي بس والله ماخطيت
ولاتعمدت الخطاء عليك وانتي مسلمه

تاكدي هالراس ماعمري لغيرك قد حنيت
روضت نفسي واصبحت من شوقها مستسلمه

في عز ضيقي كنت اباجيلك ولكني استحيت
فضلت خوفي عن شعور وسط قلبي اكتمه

شفتي حبيبك كيف فكر فيك وانت اللي سعيت
في دمعة ساحت على خده ونفس ومحطمه

شفتي حبيبك كيف يعطي لك وانته ماعطيت
حتى بسوء الظن في وقت المعاتب تتهمه

ادري انا المخطي وانا اللي على عمري جنيت
لانه رضى ظلمي وانا والله مااقدر اظلمه

صحيح ماانكر من اشواقي لجل وجهك بكيت
والصبر في قلبي عليك من المفارق اعدمه

وانا وشعري كلنا نفز لك في كل بيت
لانك لعذبات القصايد صرتي انتي الملهمه

حتى بحبك عن دروب الشك والريبه سميت
كنك جنين في حظن امه وعيت تفطمه

مما راق لي

[ندعوك للتسجيل في المنتدى أو التعريف بنفسك لمعاينة هذه الصورة]